Orkuveitan, starfsmaður á plani sendur heim eftir að hafa farið á bíl fyrirtækisins heim.

En halda þeir áfram að berja á fólki Orkuveitu óþverrinn. Nú var það starfsmaður  á plani með um 25 ára starfsreynslu og fjölskyldumaður sem sendur var heim og sagt að mæta ekki meir. Ef til vill smávægilegt brot, allavega ekki nógu stórt til að halda vinnunni, fór víst á bíl fyrirtækisins heim. En þeir sem ollu og tóku þátt í niðurbrotinu og aulaganginum hjá Orkuveituni sitja en þarna við störf þrátt fyrir að hafa valdið gríðarlegu tjóni með sinni framgöngu. Ótrúlegt óréttlæti og ég bara skil ekki hvað vakir fyrir ráðamönnum. Páll Erland þarna fremstur í flokki ásamt Jakob Friðrik, sviðstjórunum sem báðir voru í æðstu stjórn og réðu afar miklu um það hvernig fyrirtækið gjörsamlega sökk ofaní skítinn. Þá er ekki hægt annað en að tala um fólk sem þók þátt í ósómanum, fólk eins og Eirík Hjálmarsson, Sigrúnu Víktors og Skúla Dóna Skúlason. Ég veit ekki hvað heldur verndar væng yfir þessu óþverra fólki. Ég vil bara skora á þá frambjóðendur nú til borgarstjórnar að kynna sér málið, svona ósómi sem þarna hefur viðgangist á ekki að líðast.

Orkuveitan, annar BIKAR í húsi og forstjórinn að verða að þjóðarhetju.

Ja hérna, mikil og merkileg eru mannanna verk. OR er að verða þetta líka fyrirmynda fyrirtæki að eftir er tekið. Nú er það jafnréttisbikar sem fyrirtækið fær verðlaun fyrir. Gott og vel, batnandi mönnum er best að lifa. Við skulum vona að fyrirtækið standi undir þessu hrósi. En oft er flagð undir fögru skinni. Þetta er kannski ekki alveg í samræmi við það sem ég hef verið að segja. Það er að minnsta kosti stutt frá geislabaugnum í lygina og óþverrann, segi ekki meir. Ég á að minnsta kosti erfitt með að skilja þessi stórkostlegu afrek forstjórans og verandi þó enn með skítafarminn innanborðs. Hef þó heyrt sagt að verið sé að skoða þau mál, hvað sem það nú þýðir.

Sumum hefur fundist skrítið að engin hafi svarað þessum hörðu skrifum. Það er auðvitað einföld skýring á því. Færu þeir að svara er hætt við að umræða gæti sprottið upp og það forðast þeir eins og heitan eldinn. En þar sem ýmislegt er á döfini hjá mér ætla ég að ljúka þessum skrifum mínum um Orkuveituna hér á blogginu. Ég vil þakka stjórnendum að hafa umborið það sem ég hef verið að segja. Kannski verið á gráu svæði, en ég hef þó alltaf sagt satt og rétt frá og það held ég að allir viti þó ef til vill séu menn ósáttir við að setja þetta á prent. En ég ætla bara að enda þetta á þeim orðum sem ég heyrði þegar ég var ungur maður og hlustaði stundum á gömlu gufuna.

Þakka þeim sem hlýddu.

Orkuveitan, er ekki rétt að gá til veðurs.

Jú það er margt vitlausara en það. Veðrið mun halda áfram með sínum hægðum og lægðum. Hjá Orkuveitunni hefur gengið á með afar djúpri og krappri lægð og gengið á með dimmum éljum. Það má segja að gengið hafi á með mannskaðaveðri. Gríðarlegt tjón hlaust af þessari djúpu lægð bæði fjárhagslegt og mannskaði var töluverður. Það sem skilur þessa lægð frá öðrum lægðum er að hún var af manna völdum. Þar komu til sögunnar afar óvandaðir menn, það held ég að allir geti verið sammála um. Óveðrið gekk yfir og við blasti rústir einar. Og hvað var nú til ráða? Liggur það ekki í augum uppi að byrja á því að koma því fólki frá rústunum sem ollu tjóninu og forða en frekari skaða.

Nei þeir virðast ætla að halda skaðvöldunum áfram þrátt fyrir það gífurlega tjón sem þeir hafa valdið. Þvílík vinnubrögð. Í stað þess að byggja á nýjum grunni og velja tíl þess fólk sem hefur þekkingu og heiðarleika að leiðarljósi á enn að halda af stað með fólki sem sýnt hefur af sér óþokka, getuleysi og annan óþverraskap eins og ég hef sagt frá. Það er ótrúlegt að þetta fólk skuli yfir höfuð geta gengið þarna um gólf, sýnir það ekki hverslags fólk er hér um að ræða. Mér er helst að halda að Bjarni forstjóri viti ekki eða geri sér ekki grein fyrir gjörðum þessa fólks eða hreint út sagt að honum hafi verið bannað að hrófla við þessu fólki. Við vitum jú að upplýsingar fulltrúinn sem er góður og gegn Samfylkingarmaður, er þarna á opinberum launum, en hann var jú einn af þessu liði sem tjúttaði vel og lengi í ósómanum. 

Orkuveitan, mörg ár mun taka að moka flórinn eftir hin illu öfl.

Ég er en að velta fyrir mér hvernig þessir hlutir gerðust nú á tímum. Við menntum fólk og erum stolt af því. Við byggjum samfélag þar sem við viljum í orði hafa jöfnuð og réttlæti. En hvað, er þetta raunin? Þegar maður lítur yfir feril Orkuveitunnar þá verður maður dapur. Og hvers vegna skildi það vera? Jú sú trú að við getum byggt samfélag þar sem réttlæti og heiðarleiki, traust og trúnaður hefur orðið fyrir gríðarlegu höggi. En hvað er að fara úrskeiðis? Jú það erum við sjáf sem erum okkur verst. Fyrirtæki eins og Orkuveitan sem er í eigu almennings þarf vissulega að hafa góða stjórnendur, fólk sem hugsar um hag allra sem eiga fyrirtækið. Þetta sáum við með gömlu veiturnar þar sem hagsmunir eigenda og notenda voru virtir og fólk fékk að njóta ávaxtanna.

En svo verður breyting á með tilkomu OR. Það var eins og ill öfl næðu að skjóta sér inn, gráðugt fólk, hrokafullt fólk, og umfram allt fólk sem hafði illvilja og óþverraskap í sínu hjarta. Já það má vel orða það sem svo að djöfullinn var mættur. Og þar sem djöfullinn er fer illa. Jú það má segja að fyrirtækið var lagt í rúst, fjárhagslega og andlega. Það má segja að menn hafi nú um tíð verið að berjast við að ná djöflinum út. Að vissu leiti hefur það tekist en betur má ef duga skal. Sumir djöflar eru þarna en til staðar og þá þarf að fjarlægja og það sem fyrst. Hætt er við að sé það ekki gert þá fari þeir að draga aftur að sér djöfla og allt fari á sama veg. Ég vona að menn hafi þor og kjark til að ganga í skrokk á þessum illu öflum og koma þeim burtu frá Orkuveitunni.

Orkuveitan, forstjórinn með BIKAR fyrir frábæra stjórnun!!

Stórkostlegt, hann hefur stöðvað skuldasúpuna. Jú hvernig fór maðurinn að þessu. Hann stöðvaði öll fjárútlát, seldi eignir og rak ónytjunga sem höfðu þvælst í fyrirtækinu í mörg ár. Þá var lengt á lánum svo barna barna börn okkar gætu tekið þátt í að borga niður skuldir. Meiriháttar árangur hjá forstjóranum og nú getum við borgað milljarða í dráttarvexti, haldið háum launum hjá toppunum og allt gengið samkvæmt PLANINU. Bikarhafanum verður svo sem ekki kennt um ófarir Orkuveitunnar en undirmenn hans bera vissulega mikla ábyrgð.

Þetta virðist bikarhafinn ekki vita og þakkar þeim fyrir góðan árangur, án þeirra væri þetta ekki hægt. Ég held hreint út sagt að þetta sé einn skrípaleikur, þetta getur ekki verið eðlileg vinnubrögð. Í stað þess að ganga hreint til verks og losa sig við þau eitruðu epli sem en eru innan veggja OR, segja fólki satt hvernig menn ætli að ganga til verks og upplýsa fólk nánar um þau óhæfuverk sem þarna áttu sér stað. Séu þarna hlutir sem menn hafa farið á skjön við þá á hiklaust að vísa því til lögreglu. Og ekki væri úr vegi að fólk væri beðið afsökunar á hvernig farið hefur verið með eigur almennings, er það ekki lágmarks kurteisi.

Orkuveitan, voru þetta ekki níðings verk ?

Já ég hef stundum velt því fyrir mér hvort ekki hafi verin unnin níðingsverk í starfssemi Orkuveitunar, bæði fjárhagsleg og andleg. Í mínum huga er ekki spurning um að svo sé. Engin vafi er á að fjárhagur OR hrundi með tilkomu þeirra manna sem þar komust til valda. Hvernig þeir fóru með fjárhag OR getur ekki annað en flokkast undir fjárhagslegan níðing. Þeir fóru þannig með fjárhaginn að þar stendur ekki steinn yfir grjóti. Og má ekki segja að andlegi níðingurinn sé þegar fólk stendur grátandi undan fólki sem ég kalla hrotta.

Eða hvað var það þegar prinsessan Viktorsdóttir kom Bergrósu í slíkt ástand að um algert niðurbrot var að ræða.Þá voru aðfarirnar gagnvart Jóhanni Haralds hreint níðingsverk og ekkert annað. Þetta var sá nýi tími sem var boðaður og betra var að vera í liðinu. Hvað er þetta annað en níðingsháttur. Nei gott fólk, þetta var vondur tími fyrir alla, líka þá sem beittu harðræðinu. Sumt af þessu fólki er en við störf hjá OR, við þekkjum það. Já níðingar eru það og níðingsverk voru unnin á Orkuveitunni og starfsfólki þess. Hafi þeir skömm þeir óþverrar sem að því stóðu.

Orkuveitan, 240 milljarðar, hvað eru menn að væla yfir 7,4 milljónum sem Seðlabankinn greiddi fyrir Má.

Já eitthvað slíkt hugsar maður þegar öll þjóðin fárast yfir smá aurum sem bankinn greiddi vegna Seðlabankastjóra og rannsókn fór þegar í stað til að fá botn í málið. Það er vissulega þannig að við fólkið, stjórn OR og fleiri vorum höfð að fíflum. Það eru margir sem horfa í sinn barm og vita að þeir áttu að gera betur. Skömmin er mikil yfir því hvernig þessir menn léku okkur sem treystum þeim. Svo skrítið sem það er þá tókst þessum vesalings mönnum að blekkja og ljúga í um 10 ár án þess að nokkur tæki í taumanna. Skömmin virðist það mikil að menn vilja helst þagga þetta niður og tala sem minnst um þetta. Æ, ó hækkum bara gjaldskránna og rekum slatta af þessum ónytjungum sem vinna hjá fyrirtækinu.

Þetta gleymist fljótt og við getum alltaf hækkað gjaldskránna ef þurfa þykir. Við erum ekkert að reka þá stjórnendur sem ábyrgð bera á þessu, þá gæti fólkið haldið að við hefðum verið að gera tóma vitleysu.  Ég verð að segja að ég hef svo sterka tilfinningu fyrir því að hér sé verið að gera ranga hluti og að sendiboðinn sé skotinn en tjónvaldurinn sleppi. Það gríðarlega tjón sem Orkuveitan varð fyrir er af mannavöldum, ekki hruni eða utanaðkomandi öflum. Tjónið er af völdum fólks sem vissi ekkert hvað það var að gera, óð áfram í heimsku og blekkingum auk þess sem það hafði engan vott af samvisku eða réttlæti. Byrjum á að hreinsa OR af þessum óþverra og skoðum ofaní kjölinn hverjir bera ábyrgð á þessum ósköpum.

Orkuveitan, að hafa hausinn í lagi.

Af því að ég er nú mikill aðdáandi íþrótta þá sérstaklega fótbolta og handbolta og hef sjálfur kynnst því lífi langar mig að segja þetta. Boltinn getur verið harður og óvæginn. Sumir virðast hafa mikla getu en engu að síður ná þeir aldrei langt í sinni íþrótt. Aðrir virðast ekki hafa mikla getu en ná þó sumir ótrúlega langt og geta jafnvel orðið atvinnumenn. En hvernig stendur á þessu? Jú það sem allt snýst um í íþróttum er að hafa hausinn í lagi. Ef það er ekki að gerast ná menn ekki langt. Þá er það þannig í boltanum að við höfum skiptimenn og hikum ekki við að nota þá. Séu menn ekki að standa sig þá er þeim umsvifalaust skipt útaf. Megin krafan er að menn hafi hausinn í lagi, ekki flókið.

Í fyrirtæki eins og Orkuveitunni er þessu öfugt farið. Þar þarft ekki að hafa hausinn í lagi, þar þaf ekki að vera búinn að sýna neina getu eða hæfileika til að komast þar í æðstu stjórnunarstöður. Það sem þú þarft að hafa eru flott prófskýrteini, vera vel greiddur og snyrtilegur til fara, glitrandi skolp oft á tíðum. Að hafa hausinn í lagi, sýna virðingu og drengskap er einskins virði. Og það sem virðist skrítnasta við þetta er að skiptimennirnir eru aldrei notaðir sama hvað rugl þessir herrar gera. Ótrúleg afglöp í starfi og þú ert jafnvel hækkaður í tign og gerður að framkvæmdarstjóra í dótturfyrirtæki. Mér er þetta ill skiljanlegt. Það fólk sem hefur ráðið OR síðan það var stofnað hefur ekki haft hausinn á lagi og því fór sem fór.

Orkuveitan, þegar eggið ætlar að kenna hænunni fer illa.

Mér er oft hugsað til þess þá breytingu sem varð þegar Orkuveitan varð til. Hvernig stóð á þessum djöflagangi, hroka, og yfirgangi gagnvart fólki sem hafði unnið alla sína starfsæfi af mikilli samviskusemi og ábyrgð. Við sem þarna störfuðum munum vel eftir þeim boðskap " nýir tímar og þú skalt vera í liðinu" Inn í fyrirtækið komu nýir stjórnendur, ungir menn og konur. Þó þetta fólk hafi haft fallegar prófgráður kunni þetta fólk ekkert, já ég sagði ekkert. Þetta var fólk uppfullt af hroka og það taldi sig vita og kunna betur en þrautreyndir starfsmenn gömlu veitnanna. Margir afburða góðir fagmenn hrökkluðust undan þessum ómennum sem kunnu allt. Hér var eggið sannarlega farið að kenna hænunni. Ég skil það bara ekki, en það var eins og sóst væri eftir slíku fólki. Já ég hef sagt að skítlegt eðli leitar eftir skítlegu eðli.

Gengið var framhjá úrvalsfólki sem þarna var til staðar meðan skítlega eðlið var sótt út í bæ og sett í stjórnunarstöður og því sagt að berja á fólki sem þótti ekki nógu fínt eða var á einhvern hátt því ekki þóknanlegt. Við sáum hvernig prinsessan hagaði sér, en hún var nú óvenju forhert og skítlega eðlið bókstaflega skein út úr hennar augum. Ég hef jú áður minnst á aðfarirnar gagnvart þeim sóma manni Jóhanni Haralds. Fagmaður fram í fingurgóma og allir sem til þekktu báru virðingu fyrir honum. Nei ekki þessir herrar. Þeir hröktu hann úr starfi með skít og skömm. Svona var þetta og mönnum brá við. Hvort menn væru fagmenn og góðir starfsmenn skipti engu máli. Tökum þjónustustjórann sem alltaf langar í, hvað er slíkur maður að gera þarna, við höfðum mun hæfari menn innandyra til að sinna þessum störfum. Hann á auðvitað að leita sér lækninga við sínum kvillum. Nei gott fólk, það á að koma þessu fólki úr húsi og það strax, það er vont í kringum slíkar persónur og þær eitra út frá sér. Þetta er vissulega stór hluti af því hvernig fór fyrir Orkuveitunni.  En segi ég, hreinsið fyrirtækið af þessari ómennsku, þá fyrst er hægt að byrja með hreint borð horfa til framtíðar og læra af fortíðinni. Ætli menn að sligast áfram með þessa kafbáta verður það erfitt fyrir alla.

Orkuveitan, hvað geta þessir óþverrar gengið langt á rétt okkar og lífsafkomu.

Er von á að spurt sé. Ekki er nokkur vafi á að sá hryllingur sem menn stóðu fyrir í tíð Orkuveitunnar hefur áhrif á okkar lífsafkomu. Erum við tilbúin að sætta okkur við að tiltuglega fámennur hópur manna geti hagað sér með þeim hætti sem stjórnendur OR hafa gert. Á undanförnum árum hefur mér fundist þetta fara hríð versnandi. Óvirðing gagnvart samfélaginu, ábyrgðarleysi gagnvart fólki og fyrirtækjum. Þetta fann ég svo stert fyrir þegar ég kom yfir til OR frá Rafmagnsveitunni. Ég veit að ég var ekki einn um það. Það erum við fólkið sem sitjum í súpunni og gjöldum fyrir afglöp manna sem ég get ekki annað en kallað óþverra. Jú störf þeirra og framkoma öll var með þeim hætti að annað er ekki hægt að segja. Vera má að andmæli mín séu ekki öflug en þetta er þó mín aðferð til að vekja athygli á hvar við erum stödd.

Eitt það grátlegasta var þegar nefndin var að vinna að skýrslunni og reyna að átta sig á hvað hefði gerst þá neitaði fyrrum forstjóri Hjörleifur Kvaran að mæta. Hugsið ykkur hverskonar skíthæll er hér á ferð og komst upp með það. Hvar var ábyrgð þessa manns. Nei hann sýndi okkur bara puttann, fuck you. Þetta er svo mikill óvirðing að ég bara á ekki orð. Skuld fyrirtækisins var komin í 240 milljarða og enginn virðist vita hvað var af þeim fjármunum. Nei þetta er svo gasalegt að mínu mati að það verður að fara betur í saumana á þessu. Ég hef verið að reyna að fara svolítið yfir hvernig þessir menn höguðu sér. Ég bara segi það satt að það var ekki heil brú í nokkru sem þessir menn gerðu. Erum við orðin virkilega svo dofin fyrir þessu að okkur er alveg sama. Ekki mér.