Ólafur I Ingimundarson

11.7.2013 | 21:31

Orkuveitan, hvar endar þessi ósköp.

Jú vel má vera að lausafjárstaða sé svo slæm að þetta hafi verið nauðsynlegt. Fyrirtækið þarf að geta borgað húsaleigu, borgað laun og gefið fólkinu að borða. Svona er nú búið að fara með þetta fyrirtæki. Þessi gullkista sem nú er orðin tóm er farin að verða stór byrgði fyrir borgarbúa. Mér bara finnst svo mikið ranglæti að þeir menn sem komu OR í þessa stöðu og voru á glimrandi launum meðan þeir mölvuðu fyrirtækið niður og eru en á lúxuslaunum þrátt fyrir fyrri störf. Sviðstjórinn Páll Erland sem kom inn í fyrirtækið fljótlega eftir að það varð til og hefur síðan verið einn af toppum fyrirtækisins. Já rekstrarhagfræðingurinn hefur átt sinn þátt í hvernig komið er og það stóran, að mínu áliti. Það er bara svo margt skrítið í öllu ferlinu frá því að OR verð til. Óráðsían og ábyrgðaleysið yfirgengilegt að ég held að menn trúi því varla hvað gengið hefur á. En staðreyndirnar tala sínu máli, ég efast um að í nokkru fyrirtæki á Íslandi hafi óráðsían verið jafn mikil og í OR. Það eru þarna fleiri yfirmenn sem sannarlega eiga sinn þátt og ég mun koma betur að síðar. Það er þess vegna sem ég er að tala um hreinsun í fyrirtækinu. Burt með ósóman og byrjum á að vinna traust almennings það er fyrsta skrefið.