Orkuveitan, þar er geymslupláss fyrir holla floksmenn.

Já það hefur lengi verið rætt svona manna á meðal hvort svo sé. Upplýsingafulltrúinn kom þarna svífandi inn eins og ekkert væri sjálfsagðara. Þarna hefur hann verið á opinberum styrkjum um nokkra ára skeið. Engin þörf fyrir manninn og hefur aldrei verið. En þarna skal hann vera sama hvað tautar og raular. Þegar deildin var hreinsuð út sem hann tilheyrði sat hann eftir og gat reykt sína pípu áhyggjulaust áfram. Menn sem höfðu unnið þarna í 40 ár eins og Guðmundur Sigurvinsson var ekki sýnd nein miskunn og honum sparkað. Guðmundur var einn af þessum traustu starfsmönnum og drengur góður en hvaða helvítis máli skiptir það í augum á þessum óþverum, bara get ekki annað sagt. Þeir gátu ekki unnt honum að klára starfsævina þarna sem hann hafði unnið alla sína tíð. Ef þetta kallast ekki drullusokksháttur þá veit ég ekki hvað. Og hvar er sjálfsvirðing Eiríks Hjálmars, hvernig hefur hann manndóm til að ganga þarna um gólf vitandi að hann er þarna á röngum forsemdum. Nei gott fólk vinnubrögðin eru í engu samræmi við það sem við getum kallað réttlæti. Það er komin tími á að við fólkið látum í okkur heyra, þetta getur ekki gengið svona.