Orkuveitan, þeir rúlla hægt steinarnir,

Já þeir rúlla hægt steinarnir hjá Orkuveituni. Var það ekki alveg á hreinu að öllum steinum yrði velt við til að upplýsa fólk um það milljarða tjón sem varð vegna óstjórnunar innan OR. Er það gleymt og grafið? Skýrslan stóra sagði okkur ýmislegt um óráðsíuna og þann óþverra sem þar var í gangi. En hún sagði okkur ekki um hver bæri ábyrgð. Var það Ingibjörg Sólrún eða Guðlaugur Þór, var það Villi Vill, Ólafur Geð. Var það Alfreð Þ eða aðrir sem sátu í borgarstjórn eða í stjórn OR. Getur verið að stjórnendur OR þeir Guðmundur Þórodds, Hjörleifur Kvaran, sviðstjórarnir Páll Erland og Jakob F að ógleymdri Önnu Skúladóttir beri ábyrgð. Hvað er að því að við fólkið eigendur OR sem urðum fyrir slíku tjóni köllum eftir því hverjir bera ábyrgð. Engin hefur sagt bera ábyrgð á 215 milljarða skuld OR.

Hvað er málið, af hverju eru vinnubrögðin með þessum hætti? Ég vann þarna í um 30 ár, um 20 ár hjá Rafmagnsveitunni og síðan um 10 ár hjá OR. Þau 10 ár sem ég starfaði hjá OR sá ég hluti sem ég hafði aldrei séð áður í mannlegu fari, aðeins heyrt þess getið, hrottaskap, dónaskap, óþverraskap, lygi og annað í þessum dúr. Það ber að fara ofaní saumana á þessum málum og hvar eru siðapostularnir í stjórnini sem ekkert aumt mega sjá eins og Sóley T. Við verðum að geta lært að minnsta kosti eitthvað smá, já segi bara smá af þessum hryðjuverkum sem þarna voru unnin.