Orkuveitan, menn lifðu hátt, opnuðu dyrnar upp á gátt, léku marga grátt, og bágt er að taka þá í sátt.

Ég hef nú ákveðið að segja þetta að lokum um Orkuveituna. Það er alls ekki af neinum illvilja eða hefnigirni sem ég hef verið að skrifa um OR. Mér hefur bara ofboðið hvernig það fólk sem komst til valda innan OR hefur farðið með blómlegt fyrirtæki sem hafði alla burði til stórra afreka fyrir borgarbúa hefði rétt fólk verið til staðar. Því miður komst að þarna einhver vond öfl að mínu mati, eitthvað sem kölski sjálfur hefði verið stoltur af. Ef til vill er ég svo grænn sjálfur að skilja ekki slík vinnubrögð og geta sætt mig. Ég hef verið mjög hugsi yfir þessum málum og hef beinlínis þurft að tappa af og komið því hér í skrif. Það var svo margt vont sem kom með þessu fólki og við sem höfðum unnið þarna um marga áratugi vissum ekki hvort við vorum að koma eða fara. Hrokinn yfirgangurinn dónaskapurinn og virðingarleysið alsráðandi.

Það sem mér finnst það versta er að margt sóma fólk sem hafðu unnið þarna árum saman og jafnvel áratugum var sýndur slíkur ruddaskapur að orð fá varla lýst. Fólk annað hvort rekið eða hrakið á brott. Eftir sitja hins vegar ruddarnir sjálfir og dónarnir sem ollu djöfulskapnum. Steininn tók þó út þegar einn af æðstu yfirmönnum var gerður að fyrirliða eða framkvæmdarstjóra nýs dótturfyrirtækis OR, Orka náttúrunnar, maður sem búin er að starfa nánast frá stofnun OR og verið virkur í ósómanum.Tja..mér datt nú helst í hug að þetta væri svipað og Lalli Johns væri skipaður fyrirliði Íslenska landsliðsins í fótbolta. Nei þetta er ekki fyndið, berja og lúskra á fólki og sitja svo sjálfir í sínum eigin skít. Ég ætla mér ekki að hafa fleiri orð um þetta, nóg komið en vona samt að menn taki nú á þessu og sýni fólki að við viljum hafa einhver tök á þessum málum.

Athugasemdir

[Elsabet Sigurðardóttir, 2.2.2014 kl. 14:08]

Valdníðið og spillingin allsráðandi í kerfinu og hafa komist upp með það