Orkuveitan, Tetra fjarskiptakerfið, milljarðar þar út í loftið.

Það var nú eitt stóra ruglið sem vaðið var áfram með og aldrei heil brú í því ferli. Rafmagnsveitan hafði um margra ára skeið byggt upp talstöðvarkerfi sem í lok síðustu aldar var orðið afar gott og öruggt kerfi sem náði um allt svæði OR. Nei þetta var ekki hægt að nota, gamalt og ónýtt drasl og ekki nógu fínt sögðu nýu herrarnir hjá Orkuveitunni. Tetra skildi það vera og það áttu menn að nota þrátt fyrir að það virkaði aldrei. Við lá að stórslys yrðu vegna þess að þetta var drasl sem aldrei virkaði. Svo fínt átti þetta að vera að það átti að vera hægt að tala afturábak eða áfram í þessi tæki og það átti að koma rétt út. Samband við stjórnstöð í línurofum og fleiri aðgerðum voru oft skrautleg og ekki þessum herrum að þakka að engin lét lífið. En hvað varðaði þessa menn um þó einhver dræpist, þeir höfðu svo stórar prófgráður að engin komst yfir þær, ekki einu sinni fuglinn fljúgandi.

Ég gæti sagt margt fleira um þetta rugl, menn sem vissu betur og kunnu meir og þurftu ekki að hlusta á einhverja gamaldags leppalúða þó þeir hefðu unnið þarna alla sína tíð. Hvernig þessir menn óðu um fyrirtækið með skemmdarverkum og fjáraustri er einn hryllingur. Allt sem þessir menn komu nálægt var dæmt til dauða, allt sem þessir menn gerðu fór forgörðum og kostuðu milljónir á milljónir ofan. Og hver skildi nú borga þennan hrylling. Jú við fólkið í þessu landi. Gott fólk, ég er ekkert að grínast haldi menn það, það eru ótal spurningar sem vakna þegar maður verður vitni að slíkum hamförum. Ég segi það enn og aftur, af hverju er fyrirtækið ekki hreinsað af þessum snillingum og byrjað með hreint borð. Þeir eru þarna enn þessir hryðjuverkamenn sem búnir eru að valda slíkum skaða að það verður fyrirtækinu ávalt til skammar meðan þeir eru þarna en innandyra. Ég mun fara betur yfir fleiri mál, af nógu er að taka. 240 milljarðar, það má nú leika sér dálítið fyrir það fé, fólkið borgar og börnin þeirra.