Orkuveitan, Risa Rækjueldi og þessi mögnuðu kaup á ónýtum veitum.

Þegar maður hugsar til baka þá fer um mann ónot. Það er eins og maður hafi sjálfur verið þáttakandi í þessu bulli. Fólk hringdi inn á bilanavakt til að kvarta frá sumum af þessum veitum sem keyptar voru. Við sem áttum að sinna þessu vissum oft á tíðum ekkert af þessum kaupum. Þessir menn sem stóðu að þessu voru ekki að hafa fyrir því að láta starfsmenn vita svo þeir gætu sinnt því hlutverki sem OR bar að sinna. Já maður stóð í stappi við fólk og sagði því að þessar veitur væru ekkert á vegum OR. Ó jú þið keyptuð veituna í dag, eða í gær. Nei gott fólk, ég sem vann lengstum hjá Rafmagnsveitunni gömlu undir traustri stjórn og ábyrgðafullum stjórnendum vissi varla hvaða rugl maður var komin í þegar OR varð til. Rækjueldið var fyrsta frumhlaup OR og vakti mikla athygli.

Það í sjálfum sér hefði átt að vera nægjanleg viðvörun til að taka strax í taumana. Ég fór einu sinn að skoða þetta fyrirbæri og man að ég var hissa. Þarna var stór þró með vatni og þessi kvikindi lágu þarna ræfilsleg. Maður sá þegar maður horfði í augun á þessum greyjum hvað þeim leið illa, þetta var í sjálfum sér ekkert annað en dýraníð. Þetta fór að sjálfsögðu allt fjandans til og kostaði einhverja milljarða. En þeir voru nú aldeilis ekki af baki dottnir þessir vesalings menn. Þarna voru þeir rétt að byrja. Þetta var dýrt spaug sem þarna var bara rétt að hefjast. Rey málið og gagnaveitan og fleira og fleira eru mál sem voru skelfileg, þvílíkt og annað eins, ekki heil brú í neinu sem þessir menn komu nálægt. Og þeir vinna þarna en sumir af þessum drullusokkum sem voru á kafi í ósómanum og eru á fínum launum. Er þetta í lagi. Meira síðar.