Orkuveitan, þarf svo sannarlega á uppreisn æru að halda.

Já það er svo sannarlega komin tími á að Orkuveitan fái uppreisn æru. En þá þarf hún sjálf að vilja það. OR hefur alla burði til að geta verið gott og mannvænt fyrirtæki. En OR verður líka að geta viðurkennt sín mistök sem vissulega hafa verið mörg. Það sem mér finnst að ætti að gera er að forstjóri, eða borgarstjóri komi fram og biðjist afsökunar fyrir hönd OR á þeim ósköpum sem þarna hafa átt sér stað. Jafnframt verði það fólk sem átti sinn þátt í niðurbrotinu afhent uppsögn. Það er óhjákvæmilegt til að trúverðuleiki og sanngirni séu upp á borðinu. Þannig gætu flestir gengið sáttir og beinir í baki, ekki síst Orkuveitan sjálf. Ég er nokkuð viss um að verði þetta fólk ekki látið fara þá mun það há fyrirtækinu um ókomna framtíð á ýmsa vegu og þetta óheilla fólk mun alltaf eiga undir högg að sækja. Orkuveitan verður að kunna að iðrast og viðurkenna sín mistök og gangast við og leitast við að fara inn á rétta brautir, öllum til heilla. Flestir vilja að þessu fyrirtæki gangi vel, en það gerist ekki sjálfkrafa eftir það sem á undan er gengið.